Nystev

6 7* -7 -8 -9 8 -7 -7 7
6 6 -5 -4 4 4 4 -5 -5 6 6
6 7* -7 -8 -9 8 -7 -7 7
6 -5 -4 5 5 5 -5 -5 6
6 -5 -4 5 -5 -5 6 7* -7
 
Examples:
1,
Å vil du have meg til å kveda,
det skal eg gjera med største gleda,
og eg skal kveda so vent fyr deg
at du skal gløyma deg sjølv og meg.
Å eg skal kveda so du skal gråta,
um du var aldri så glad og kåt'e,
å eg skal kveda so snålt fyr deg,
at du skal læ når du ser på meg.
Og mine visor dei er so snåle,
som Borken tråvar på isen håle,
og mine visor dei gjer' ein sleng
som litle guten på skeisunn' gjeng.
Å mine visor dei er so mange,
som heggje-blomane drys i fanget;
so hev det vore i all si tid:
dess meir dei kved dei, dess meir der bid.
Å vil du stevjast, so skal eg svara,
og heile natti so skal det vara;
og vil du stevjast med meg i kveld,
du går 'kje åt fyrr du fær ein smell.
 
2,
I denne verdi så mykje vantar
og suti møter på alle kantar,
og suti gjenger støtt jamsid's med,
som skigard fylgjer ein ålmann-veg.
 
Og liksom lauvet om hausten bleiknar,
det store modet med tidi veiknar;
som lauvet bleiknar og fell til jord,
så folnar fysne og store ord.
 
Mi ungdoms-glede hev reint bortsvive,
eg veit 'kje kvar ho hev etter blive!
Mi ungdomsglede hev fare fort
som skodd for vind og som dogg for sol.
 
Og ungdoms-gleda er liksom draumen,
ho fylgjer med oss som stokk i straumen;
når flaumen stanar, er skyssen end
−så kan og gleda til sorg bli vend.
 
 
Og allting gløymest no bort med tidi,
men aldri gløymest det eg hev lide;
for alt i verdi kan gjevast råd,
men ungdoms kjærleike aukar på.